Pacquiao, may welcome party sa ‘SOP’

May malaking selebrasyon bukas sa S.O.P. Rules, dahil bibigyan nila ng welcome party si Manny Pacquiao.

May farewell party rin sila para kay Billy Crawford, na babalik na sa Amerika sa Miyerkules.
Absent si Ogie Alcasid bukas. Si Manny kaya ang makakasama nina Jaya, Janno Gibbs at Regine Velasquez sa pagkanta?

Anyway, balik-S.O.P. Rules din bukas si Richard Gutierrez, na kagagaling lang sa 10-day vacation sa Amerika.

***
Tinawagan kami ni Mio, ang kaibigan ni Snooky Serna, na tumutulong ngayon sa pamamahala ng career ng actress.

Ibinalita ni Mio na maagang dumating kahapon sa set ng La Vendetta ang kanyang kaibigan cum alaga.

Nauna pa raw sa staff and crew si Snooky. Pakitang gilas?

Anyway, noon din naman sa taping ng Magpakailanman ay nauna rin sa staff and crew si Snooky, pero dahil sa image niya, parang hindi sineseryoso ang mga ganoong effort ng aktres.
Lahat ay may duda palagi na sa simula lang ‘yon at babalik sa dating gawi si Snooky.
Sabi ni Mio, tanggap ni Snooky ang mga ganoong pagdududa sa kanya.

Alam ni Snooky na marami siyang napasakit na mga ulo noon, dahil naging unprofessional siya, pero itong pagbabago for the better niya ngayon ay totohanan na raw.

Ni Jun Lalin